Шоколадын тӱнямбал кечыжлан пӧлеклалтше мероприятийым посёлкысо йоча книгагудын пашаеҥже-влак организоватленыт . Тушко тӱҥ шотышто йоча-шамычым чумыреныт. Шоколад кугыжанышын кугыжа ватыже икшыве-влаклан шоколад нерген радамлын каласкален. Тиде шере кочкышым лачшымак мо дене да кузе ыштымым колышташ нунылан поснак оҥай лийын.
Икшыве-влак викторинылаште ушыштым пудыратылыныт, шоколад негызан тӱрлӧ шере кочкышын лӱмыштым шарналтеныт, икте-весыштым петырыман шинча дене пукшеныт…
М.ИВАНОВА.