25 августышто У Торъял поселкын кечыжым палемденыт. Тӱрлӧ оҥай программе коклаште иктыже «Бабушка моей мечты» конкурс лийын. Тудым верысе рӱдӧ книгагудо эртарен.
Таҥасымашке поселкышто илыше 6 кова ушнен. Нуно шкешт дене палдарыше визиткым ончыктеныт, тамлын кочкаш шолтен моштымышт, сай сад-пакчазе улмышт, моло мастарлыкышт денат палдареныт.
Конкурсышто ик ковайынат кумылжым волташ огыл манын, жюри 1-3 верым палемден огыл, а кажныжым посна номинацийыште сеҥышылан шотлен. Тыге «ончышо-влакын симпатийышт» призым Елена Лебедева сеҥен налын. «Эн самырык да шӱмеш пижше (обаятельная) кова» лӱм дене Земфира Щербакова палемдалтын. «Мый поян кова улам» (5 уныкаже улмым шотыш налын) номинаций дене жюри Вера Земсковам палемден. «Эн лудшо кова» лӱмым Елена Богданова сулен. «Кова – муза» Алевтина Домрачева, а «Кова – мечта» Галина Звягинцева лийыныт. Чылаштымат саламлена!
Л.Камалетдинова.
