Шушаш кугарнян, 13 апрельыште, У Торъял поселкысо тӱвыра да каныме рӱдерыште «Сӱан пайрем» районысо фестиваль-конкурс эрта.
Мероприятийын участникше-влак, а тиде клуб ден тӱвыра пӧртла гыч творческий коллектив-влак лийыт, сӱан вургемым чиен, руш да марий калыкын йӱлаштым ончыктат, национальный кочкыш-влак дене палдарат, мурым мурат, куштат. Икманаш, ты кечын тыште пуйто кугу сӱанак лиеш!
Сеҥышыш лекше коллектив 12 июньышто Моркышто эртышаш «Сӱан пайрем» межрегиональный конкурсыш кая.
Л.Камалетдинова.
