Марий Эл Республикысе рӱдӧ юмыйӱла ушем 2018 ийлан «Марий калыкын кечышотшо» календарьым темла.
Тачысе кечылан Юмыйӱла ушемыште 11 район общине уло. Календарьыште кажне общинылан ик лаштык ойыралтын. Тыгак йӱла почеш у тылзын, тошто тылзын кечылажым, марий пайрем кышкарым палемден кодымо. Тудын авторжо — республикысе тӱн онаеҥ Александр Таныгин. У савыктышым шуко фотосӱрет дене пойдарыме. Тудым районласе общинылаште, пазарыште С.Карпов деч, Йошкар-Олаште республикысе Марий тӱвыра рӱдерыште (Первомайский урем, 109-ше №-ан пӧрт, 115-ше пӧлем) налаш лиеш.
С.Носова.
