Республикыштына 150 тӱжем наре пенсионер январьыште кугемдыме пенсийым налын.
Пашам ыштыдыме пенсионер-шамычын пенсийыштым 6,6 процентлан индексироватлыме. Тидын дене келшышын, 148 512 еҥын, ты шотыштак 10 тӱжем утла ялысе пенсионерын, пенсийышкышт ешартыш лийын.
Страховой пенсий кокла шот дене 900 теҥгелан кугемын, а 60 тӱжем наре пенсионер пенсийым 1000 да утларак теҥгелан шукырак налын.
Индексаций дене келшышын, Марий Элыште страховой пенсий кокла шот дене 13919 теҥге лийын.
Кугемдыме пенсийым пашам ыштыдыме пенсионер-шамычлан веле пуат. Пашам ыштыше пенсионер-влак тудым паша гыч кайымекышт гына налыт.
М.ИВАНОВА