Йошкар-Олаште Чолга ӱдырамаш-влакын III республиканский форумышт лиеш. Мероприятий 6 мартыште республикысе курчак театрыште эрта.
Моло ийласе семынак теният предприниматель-ӱдырамаш-шамычым регионысо Чолга ӱдырамаш-влакын ушемышт Марий Эл правительстве полшымо дене иквереш чумыра.
Форумыш кугыжаныш кучем орган, мер организаций-влакын еҥышт, предприятий вуйлатыше, моло погынат. Тудын жапыштак «Сделано женщиной — сделано с душой» выставке, «Деловая женщина Марий Эл» конкурс, образовательный сессий-влак лийыт. Кодшо ийысе семынак ӱдырамаш-влакым концерт дене куандарат.
Форумышко кӧн ушнаш кумылжо лектеш гын, тыгай адрес дене мияш лиеш: Йошкар-Ола, Советский урем, 163-шо номеран пӧрт. Але тыгай номер дене йыҥгыртыман: 8 (929) 733-16-50, 8 (927) 680-75-35.
Л.Камалетдинова.
