24-27 июньышто Оршанке район Кӧрдӧ ялыште верланыше «Большая медведица» каныме базыште «Кеҥеж сылнымутчо» семинар лиеш. Тудым Россий президентын грантше полшымо дене «ВийАр» тӱвыра кокласе кыл ушем» мер организаций эртара.
Чонетлан прозо, поэзий, драматургий, журналистике лишыл? Тугеже тиде мероприятий тыланда келшен толеш. Вет семинарист-влак дене вашлиймашке кумдан палыме еҥ-влакат – поэт, писатель, режиссёр, сценарист да молат толыт. Программат пеш тӱвыргӧ. Организатор-влак тӱрлӧ мастер-классым, тренингым, кином ончымо касым ямдыленыт. Тыгак Оршанке район дене кумданрак палдарыше экскурсий лиеш.
Ты семинар кышкарыште 1 март гыч 1 июнь марте усталык конкурс эрта. Эн сай возымо паша-влак окса полышым налын кертыт.
Конкурсын условийже нерген кумданрак ВКонтакте воткылысе «Кеҥеж сылнымутчо» (https://vk.com/club196370885) тӱшкаште возымо. Йодмаш кагазымат туштак муаш лиеш. Тыгак кӱлеш уверым проектын авторжо-влак, Алёна Иванова (89023297767) ден Зоя Глушкова (Дудина) (89177168841), деке йыҥгыртен рашемдаш лиеш.
Палемден кодыман: участник-влаклан ты семинар яра эрташ тӱҥалеш. Ушнаш кумылан-влак 1 июнь марте sotnur@mail.ru але dudina62@mail.ru электрон почтыш йодмашым колтышаш улыт.
О.МОШКИНА
