Советский район Ургакш селаште у черкым ышташ тӱҥалыныт.
Шукерте огыл тушто тудлан черке йӱла дене келшышын негызым пыштеныт. У храмым святитель Лука Крымский лӱмеш нӧлтат. Тудын негызышкыжат Палестинысе орланыше святой-влакын мощыштым вераҥденыт. Негызым пыштыме йӱлам марий митрополий вуйлатыше Иоанн эртарен. Тудлан моло черке пашаеҥ-влак полшеныт.
С.Носова
