12 июльышто Морко районысо Унчо села воктенысе отышто Сӱрем кумалтыш лиеш.
Тушко тиде кундемыште илыше да республикнан тӱрлӧ районжо гыч Пӱртӱс Юмылан ӱшаныше-влак погынат. Тыгак Унчо велын йӱла ойыртемже дене палыме лияш Эстоний гыч 33 еҥан делегаций, Германий гыч журналист-влак да Озаҥ ола гыч режиссер Денис Осокин толыт.
– Кумалтышыште Марий Элын тӱҥ онаеҥже Александр Иванович Таныгин да республикысе юмыйӱла ушемын еҥже-влакат лийшаш улыт, – палемдыш Унчо администраций вуйлатыше Иван Евсеев. – Отышто кум тулолмо лиеш: Ош Кугу Юмылан, Шочынавалан да Тӱнямбал Серлагышлан. Надыр шотеш «Передовик» ялозанлык артель вольыкым пуа.
А.БАЙКОВА.
