Мый шочмо акамын ӱдыржын — тукым шӱжаремын — опекунжылан шотлалтам. Шке жапыштыже акамын ава улмо праважым поген налыныт. А шукерте огыл тудо илыш гыч каен. Погыжо семын илыме портын ик кумшо ужашыже шотлалтын. Санденак рашемдынем: опекун семын ончымо тукым шӱжарем тиде пӧртын ужашыжым наследоватла мо?
О.Смирнова.
Йошкар-Ола.
Йодышлан Медведево районысо прокурорын алмаштышыже Роман Голиков вашештен:
— Тукым шӱжарда тиде пӧртын ужашыжым наследоватла. РФ Граждан кодексын 1142-шо статьяж дене келшышын, икымше черет наследниклан пелаш, икшыве, ача-ава-влак шотлалтыт. РФ Еш кодексын 71-ше статьяж дене келышышын, ача-ава улмо права деч посна кодымо еҥ-влакын шочшышт нунын илыме верыштлан, тушто илаш правам арален кодат. Тыгак ача-ава да моло родо-тукым дене родо улмо негызеш имущественный правашт аралалт кодеш.
С.Носова ямдылен.
