УВЕР ЙОГЫН

«Угинде» пайремыш вучат

19 октябрьыште Марий тӱвыра рӱдер «Угинде» фестиваль-конкурсым эртара.

 Тудо Сеҥымашын ХХХ  идалыкше лӱмеш тӱвыра полатыште лиеш. Уржа- сорла пашам пытарымеке, марий калык ожнысек, ешыште кинде, вольык, шийвундо перке лийже манын, пӱртӱслан, мландылан тауштымо амал дене Угинде пайрем йӱлам эртарен. Таклан огыл марий калыкын нимогай йӱлажат киндым пелештен пурлмо деч посна эртен огыл, тудо эре ик эн жаплымылан шотлалтын, кумалашат лач кинде-шинчал дене лектыт.

Киндым чапландарыме калык йӱла пайремым  Марий тӱвыра рӱдер 2014 ий гыч эртара. Тений тушко республикысе да моло регионысо творческий коллектив-влак ӱжалтыт.  Оргкомитет дене мутланен келшен, участник-влак шкеныштын кузерак ончыктымо формым ойырен налыт. А содержаний шот дене ончыктымо йӱлаште районысо марий калыкын ойыртемже шижалтшаш. Конкурслык программе 10 минут деч коч шуйнышаш огыл. Йодмашым mari-centr_konkurs@mail.ru электрон почтыш 13 октябрь марте пуаш лиеш.

 С.Носова

Опубликовать в Одноклассники

Добавить комментарий