Россий Федерацийын Следствий комитетшын Марий Элысе управленийже Перинатальный рӱдерын 54 ияш тӱҥ врачшым РФ Уголовный кодексын 293-шо статьяжын 1-ше ужашыж дене келшышын (халатность) титаканлан шотла.
Кызытеш рашемдыме почеш, Перинатальный рӱдерын тӱҥ врачше вуйлатыме учрежденийжын кумдыкшым да административный зданийжым кӱлеш семын оролаш йӧным ыштен огыл. Тидлан кӧра тений 23 мартыште Йошкар-Олаште ик ӱдырамаш стационарыш пурен, азам шолыштын да шылын каен.
Уголовный делам шымлымаш умбакыже шуйна.
Л.КАМАЛЕТДИНОВА