Социальная жизнь
СОЦИАЛ ИЛЫШ

Тӱҥ врач ден тудын алмаштышыже-влаклан

Кугыжаныш медицине тӧнежын тӱҥ врачше ден тудын алмаштышыже-влаклан должностьышто 65 ий марте гына лийын кертмым пеҥгыдемдаш палемдат. Организацийын тӱшка погынымашыже южо случайыште ты жапым 70 ий марте шӱкалын кертеш. Тиде законопроектым Кугыжаныш Думын Паша шотышто комитетше онча. Депутат-шамыч тудым икымше лудмаштак приниматлаш темленыт. Тиде правилым федеральный да муниципальный кугыжаныш унитарный предприятий вуйлатыше-влаклан шаркалаш темлен, инициативе дене келшымым Россий правительствышкат колтымо. Законопроектым пеҥгыдемдат гын, медицине рӱдерлам вуйлатыше-влакым «квалификаций дене келшен толшо» вес пашаш кусарат. 

Палемдыме ийготыш шушо медицине пашаеҥ-влаклан законын вийыш пурымо татшылан куснымо (переходный) жапым палемдыме. Тудлан келшышын, тӱҥ врачын да тудын алмаштышыже-влакын паша ойпидышышт документыште палемдыме жап шумеш (но 3 ий деч шуко огыл!) вийыште лиеш.

Законопроектын икымше лудмашыжым июньлан палемдыме. Пытартыш лудмашыште тудым шыже сессийыште приниматлен кертыт.

М.ИВАНОВА.

Опубликовать в Одноклассники

Добавить комментарий