УВЕР ЙОГЫН

Тӱткылыкым йодеш

 Марий Элыште 2021 ий 11 май гыч 11 июнь марте «Трактор» профилактике операций эрта.

   Тудым республикысе Гостехнадзор департамент Ялозанлык да продовольствий министерствын приказше дене келшышын эртара. Тӱҥ шонымашыже – корнышто лӱдыкшӧ деч посна кудалышташ, тракторым, корно да чоҥымо годым кучылталтше, шке кудалыштше  (самоходный) машина ден прицеп-влакым кучылтмо годым лӱдыкшыдымылык техникым шукташ да йырым-йырысе пӱртӱслан эҥгекым ышташ  огыл. Операций годым ола ден районласе тӱҥ кугыжаныш инженер-инспектор-влак ГИБДД пашаеҥ-шамыч дене пырля техосмотрым эртыме правилым шуктымым, шке кудалыштше машинам виктараш праван улмым, тыгак техникым кучылтмо шотышто документым жапаштыже возымым тергаш тӱҥалыт.

    Поснак кугу тӱткыш шошо агаште да автомобиль корным ачалымаште кучылталтше техникылан ойыралтеш. Регистрацийым эртыме да шке кудалыштше техникым кучылтмо правилым пудыртылшо-влакым административно мут кучаш шогалтат.

   В.СМОЛЕНЦЕВ

Опубликовать в Одноклассники

Добавить комментарий