Тӱрлӧ тӱсан Марий Эл
Эшеат ужаргырак лиеш
Кызыт шошым Марий кундемыште пушеҥге озымым шындыме тургым кая, тудо май кыдал марте шуйна. Пӱнчӧ, кож, куэ, лыстан пунчӧ, тумо, кедр ешаралтшаш.
Эн ончыч 2010 ийыште йӱлышо чодыра олмышто пушеҥгым шындыме акций-влак эртеныт. Тушко «Мариэнерго», судья-влакын коллегийышт, Ростелекомын, «Марий Эл — Фармация» АО-н, «Справедливый Россий» партийын еҥже-влак туш ушненыт. «Дикие дворники» экологий организацийын ӱдыр-рвезыже-влакат ты пашаште чолгалыкым ончыктеныт.
А теве Российысе марий-влакын федерал калыкле-тӱвыра автономийышт, марий мер организаций ден учрежденийлаште тыршыше-влакым чумырен, «Пӱнчер» санаторий воктене Талешке аллейым шынден. Пушеҥгым шындымаште Марий Элын тӱвыра, печать да калык-влакын пашашт шотышто министр М.Васютин, чодыра да сонар озанлык министр А.Шургин, Российысе марий-влакын федерал калыкле-тӱвыра автономийыштым вуйлатыше Л.Яковлева да молат лийыныт. 5000 изи пӱнчым шындыме. Ончыкыжым Марий автномийын 100 ияш лӱмгечыжлан тыгак аллейым шындаш палемдыме.
С.Носова
