Биатлон дене Украинын сборный командыжын чапшым аралыше землячкына Н.Белкина Швецийыште IBU кубок верч таҥасымаште (2018/2019 ийла) вийжым терга. 1 декабрьыште, спринтыште, 7,5 километрыште, Надежда кумшо верым сеҥен налын. Лӱйылтмаштат чатка лийын, куржмаштат почеш кодын огыл. Икымше верым налше шведке деч 53 секундлан почеш кодын.
IBU кубок верч таҥасымашын черетан вес этапше Италийыште 10-16 декабрьыште лиеш.
Е.Эшкинина.