СПОРТ

Тӱнямбалне – кумшо

Шернур кундем гыч тале спортсмен Полина Петухова (тренерже С.Шабердин) кикбоксинг дене тӱнямбал чемпионатыште вийжым терген, кумшо верым налын.

Такшым марий ӱдыр  тӱнямбал первенствын кок гана сеҥыше, тӱнямбал кӱкшытан Бриллиантовый кубокын озаже лийын. Шкенжым профессионал боксыштат терга.

– Таче мыйын кечем лийын огыл. Пелефиналыште Бразилий гыч соперникемлан 2:1 счёт дене сеҥалтынам. Шукышт мо лийын манын йодыт. Тидыжым психологически да морально нойымем дене кылдаш лиеш. Чаманен каласаш гына кодеш: тыгай дене кажне спортсмен тӱкна, шонем.  Сеҥашлан кєра, шкем чаманыде тренироватлет, а вара пуйто кӧргыштӧ нимоат ок код, «йӱлен пытет».

Кє мыланем полшен, мыйын верч тургыжланен, ўшаным сулен омыл гын, нелеш налаш огыл манын йодам. Тиде мыйын икымше тӱнямбал чемпионат лийын. Мутат уке, кажне спортсмен тӱнямбал кўкшытан таҥасымашке логалаш шона. Чемпионат кок ийлан ик гана эрта. Мыйын тўшкаштем 14 виян спортсмен (Бразилий, Турций, Словакий, Австралий, США, Греций, Австрий, Сербий, Италий, Польша, Румыний, Израиль, Индий) лийын. Мый кум бойыш лектынам. Кокытыштыжо сеҥенам гын, иктыжым – модын колтенам. Ончыкшым изиш каналташ шонем. 

Е.ЭШКИНИНА.

Опубликовать в Одноклассники

Добавить комментарий