15 апрель – Тӱвыран тӱнямбал кечыже. Ты кечын Российын чыла регионыштыжат «Культурный минимум» всероссийский акций тӱҥалеш.
Тудын дене келшышын, рушарнян Звенигово районысо тӱвыра учрежденийлаштат тӱрлӧ мероприятий эрта. Мутлан, межпоселенческий библиотекыште «Время первых» кинофильмым ончыктат да тудын нерген мутланат. Звениговысо калык мастар-влакын пӧртыштышт тасма дене тӱрлаш туныктат. Кужмарий йоча искусство школышто «О чем мечтают дети…», Суслоҥгер тӱвыра да каныме рӱдерыште «Тӱвыра – мемнан илышна» отчет концерт-влак лийыт. Кужмарий тӱвыра да каныме рӱдерыште тудын филиалже-влакын художественный самодеятельность смотр-конкурсышт эрта. А Какшамарий тӱвыра да каныме рӱдерыште «Её величество культура» тематический касыш чумыргат.
Л.Камалетдинова.