Йоча да подростко-влакын «Эр вий» ушемышт 24 гыч 29 июль марте «Тыныслыкыште да келшымаште илаш тунемына!» лагерьышке ӱжеш. Тиде проект организацийын еҥже, волонтёр Анастасия Березинан самырык-влакын всероссийский конкурсыштышт грантым налмылан кӧра илышыш шыҥдаралтеш.
Тений лагерь Шернур районышто краеведений экспедиций семын Марий Элын Самырык-влакын политикышт, спорт да туризм министерстве полшымо дене эрта.
13-17 ияш ӱдыр-рвезе-шамычым Марий кундемын пӱртӱсшӧ, историйже да этнокультур ойыртемже дене лишкырак палымым ыштат.Тыгак нуным кидпаша, тӱрлӧ модыш, калык кочкышым ямдылыме дене кылдалтше мастер-класс-влак вучат.
Лагерьыш каяш «Молан мый «Тыныслыкыште да келшымаште илаш тунемына!» экспедицийыш ушнынем» эссем ик лаштыкыш возыман да sdpoerviy@mail.ru электрон почтыш колтыман, тыгак ты темылан пӧлеклалтше ик минуташ видеороликым vk.com/ful12 группыш вераҥдаш лиеш.
Л.Шабдарова.