КУЛЬТУР ДА ИСКУССТВО УВЕР ЙОГЫН

«Тый улат мыланем ныжыл йӱр…»

Ӱдырамаш-влакын тӱнямбал кечышт вашеш 2 мартыште «Саскавий» марий ӱдырамаш ушем Марий самырык театр дене пырля тыгай лӱман пайрем концертым эртарат.

Ӱдырамаш-шамычым пайремышт дене ты гана пӱтынек пӧръеҥ-шамыч гына саламлат.

Мероприятий жапыштак «Ах, марий ӱдырамаш! Мастарлыклан уке мучаш…» калык прикладной усталык  ончер-ярмиҥга лиеш. «Ӱдырамашлан – пӧлек» мастаргудышто кумылан-влакым шке кид дене пӧлекым ышташ туныктат. Тыгак «Когыльо-могыльо, кокшӱдӧ когыльо!» конкурс лиеш. Тушто ӱдырамаш-шамыч когыльым кӱэшт моштымо мастарлыкыштым ончыктат. Тушко ушнаш кумылан-влак йодмашым (тел.: 89613787335, Людмила Ивановна Кошкина) 25 февраль марте колтен шуктышаш улыт.

Икманаш, мемнам, ӱдырамаш-шамычым моткочак оҥай пайрем кас вуча, коеш…

Л.Камалетдинова.

Опубликовать в Одноклассники

Добавить комментарий