УВЕР ЙОГЫН

Тыгеат йӧра, шоненыт?

Чуваший гыч дорожник-шамыч Йошкар-Олаште корным туге тӧрлатеныт – тылеч вара эсогыл уголовный делам тарватеныт.

2019 ийыште «Дорстройсервис» ООО (Новочебоксарск ола) «Лӱдыкшыдымӧ да сай качестван автомобиль корно» нацпроектын «Дорожная сеть» региональный проектше кышкарыште Йошкар-Олаште корным ачалаш кок конкурсышто сеҥен. Тиде пашалан федеральный бюджет гыч 115,5 миллион теҥге ойыралтын.

Но Йошкар-Олан прокуратуржо рашемден: чуваш дорожник-шамыч пашам кугыжаныш контарктыште палемдыме срок деч почеш кодын шуктеныт. А тергыме годым весе пале лийын: пашаштышт нуно шӱкшӱ качестван материалым кучылтыныт. Тидыже корнын локтылалтмашкыже шуктен.

Чыла тидым шотыш налын, уголовный делам тарватен. Кызыт тудын шотышто шымлымаш ден тергымаш каят, палдара РФ Следствий комитетын Марий Элысе Следствий управленийжын пресс-службыжо.

Л.КАМАЛЕТДИНОВА

Опубликовать в Одноклассники

Добавить комментарий