КУЧЕМ УВЕР

Тургым 15 майыште тӱҥалеш

Александр Евстифеев Йошкар-Олан мэрже Евгений Маслов дене вашлийын. Вуйлатыше-влак оласе уремлам олмыктымо тургымлан республикын рӱдолажын ямдылалтме йодышлам каҥашеныт.

Евгений Масловын мутшо почеш, тений олан рӱдӧ уремлаштыже 11 километр корно шартышым капитально олмыкташ  палемдыме. Ты шотышто проектно-сметный документаций экспертизым корно картыште ончыктымо жапыште  эртен. Конкурсный процедурын итогшо почеш,  25 апрельыште тушто сеҥышыш лекше дене контракт ышталтеш. Уремлам олмыктымо пашам 15 майыште тӱҥалын кертына, каласен олан мэрже.

Александр Евстифеев корным эн ончыч олмыктышаш участке ден уремлам  могай принцип почеш ойырен налме нерген йодын. Эн ончычак машина шуко коштман уремлам уэмдена, вашештен Евгений Маслов.

Транспорт коштмо тӱҥ корнылан  Ленин проспект  ден Первомайский урем шотлалтыт. Олан рӱдыштыжє   огыл верланыше урем-влакат  пеш кугу нагрузкым чытат, мутлан, Карл Маркс, Йошкар-Ола вӱдканал  кундемысе Западный урем-влак, каласен олам вуйлатыше.

Мутланыме годым республикым вуйлатыше корным уэмдыме жапыште электротранспортын  коштмо маршрут нерген йодыштын, корным тӱзаташ  тӱҥалме деч ончыч  коммунальный сетьласе таве-влакым олмыктымо пашам планироватлыме йодышлан тӱткышым  ойырен.

Евгений Маслов тыге увертарен: общественный транспортын маршрутшым  вашталтена, олаште илыше-влак ты шотышто йӧндымылыкым огыт шиж. Тылеч посна ресурсный компаний-влак шкеныштын озанлыкыштышт  тичмаш инвентаризацийым эртареныт, тидын шотыштак 600 утла тавым  терген лектыныт.

Александр Евстифеев олан мэржылан  озанлык сетьым  олмыктымо  пашам контрольыш налаш кӱштен.

 

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен 

Опубликовать в Одноклассники

Добавить комментарий