Звенигово районысо Какшамарий ялыште земский тӱҥалтыш училищым почшо Иван Александрович Никольскийын шочмыжлан 10 ноябрьыште 160 ий темын. А училищын пашам ышташ тӱҥалмыжлан вес ийын 135 ий лиеш.
Шкеже Чувашийыште шочын гынат, марий кундемлан моткочак кӱлешан пашам ыштен – тунемме верым почмаште тыршен. Шке жапыштыже тудо Какшамарий ялыште шочшо кумдан чапланыше еҥ-влакым туныктен.
Библиотекарь Г.Сорокинан палемдымыж почеш, И.Никольскийым порын шарналташ кумылан еҥ-влак верысе шӱгарлашке миеныт. Тунемшыже-влакын тудлан тауштымо семын тушто эше ХХ курым тӱҥалтыштак памятникым шогалтеныт. А тений шочмо кечыже вашеш тудым тӧрлатеныт.
Л.Камалетдинова.
