УВЕР ЙОГЫН

Тора яллашке – полыш дене

Черке пелен чумырымо поро кумылым ончыктышо «Тора ял» проектын еҥже-влак У Торъял районысо Кремленки ялыш миеныт да шуко шочшан ешлаште лийыныт, инвалид-влак деке пурен лектыныт.

Лачшымак кӧлан полыш кӱлмӧ спискым районысо калыкым социально обслуживатлыше комплексный рӱдер пуэн.

Вашлиймаш молебен гыч тӱҥалын. Тылеч вара кумылан-влаклан ыресым, молитвослов книгам да кочкыш йӧрварым пуэныт.

Комплексный рӱдерын «Ветеран» отделенийыштыже лийыныт. Волонтер-влак илалше еҥ-влаклан подгузникым, а ик инвалидлан коляскым пӧлеклен коденыт.

Л.Камалетдинова.

Опубликовать в Одноклассники

Добавить комментарий