16 октябрьыште Йошкар-Оласе Воин чап монумент воктеч икымше тӱшкаш чумырымо призывник-влакым службым эртыме верышкышт торжественно ужатеныт. Ты кечын 30 рвезе шке порысшым шукташ каен. Ик команде Москва областьысе Истра олашке космический войскашке (17 еҥ) логалын гын, весыже – Мурманскыш, Йӱдвел флотыш (13 еҥ).
Йӱлаш пурышо мероприятийыште Марий Эл правительстве председательын алмаштышыже генерал-майор С.Воронцов, республикын военный комиссарже С.Сидоркин, военный комиссариат гыч представитель-влак, черке пашаеҥ, призывник-влакын ача-авашт, йолташышт лийыныт, чылан поро сугыньым пуэныт.
Александр ача ласка да куштылго службым тыланен, шнуй юмынвўдым шыжыктен, юмыйўла почеш ужатен. Мурызо А.Веткинын йоҥгалтарыме мурыжат самырык салтак ден ужатыше-влаклан поро шарнымашым коден.
Призывник-влак лӱм дене вашеш мутым Йошкар-Ола гыч А.Гневашев ойлыш, элнан чапшым ўшанлын аралаш тӱҥалына мане.
Тек кажныже элнан ӱшанле эргыже лиеш, порысшым шуктен, мӧҥгӧ пєртылеш.
Е.ЭШКИНИНА.