КУЛЬТУР ДА ИСКУССТВО

Театрыште – у сцене

М.Шкетан лӱмеш Марий национальный драме театрын шӱдымшӧ тургымжо у сценыште почылтеш!
Икымше спектакльым тушто артист-влак апрельыштак модшаш улыт ыле, но пандемийлан кӧра тиде жап изиш умбакырак шӱкалалтын.
У сцене марий театрын визымше пачашыштыже, леведыш йымалныжак, улмаш. Ончыч ты пӧлемыште декораций цех лийын.
У сценым (залым) почмо амал дене театр коллектив конкурсым увертарен. Тушко ушнышо-влак сценылан лӱмым шонен, возен колтышаш улыт.
Конкурсыш ушнаш кум условийым шуктыман:
— Вконтакте соцсетьыште театрын лаштыкышкыже (@shketan) подписатлалтман;
— конкурс нерген возымым шке лаштыкыш кусарыман;
— шонен лукмо лӱмым комментарий манмыш марла возыман.
Сеҥышым театрын коллегийже май мучаште иктешла.
Тидын нерген тичмашрак уверым театрын сайтыштыже (www.shketan.ru) муаш лиеш.

А.БАЙКОВА

Опубликовать в Одноклассники

Добавить комментарий