Маныт Марий Турек районысо «Росагро» тичмашын огыл муым кучышо обществыште.
Тиде озанлыкым ыштымылан тений январьыште 14 ий темын. Тудо ушем тӱрлӧ шӧрынан пашам шукта: кугу кумдык мландыште шурным ончен кушта, пырче гыч лошаж ден шӱрашым ямдыла, шӧр ден шыл ыштен налеш.
Могайыгм темлат – туге ужалат
Предприятийым икымше кече гычак вуйлатыше Марсель Мунирович Мухаметовын палдарымыж почеш, кызыт тыште 12000 гектар наре кумдыкышто пырчан да отызан культурым: кукурузым, пурсам, икияш шыдаҥым, шожым, рапсым, сенажлан икияш шудым ӱдат. Мландышт Марий Турек поселко йыр да район кумдыкышто веле огыл, тыгак пелыже утларакше Параньга районышто верланеныт.
— Лажмарий велне ме вич ий ончыч кушкыл да пушеҥге дене кушкын пытыше 2000 гектар наре мландым налынна, — каласкала Марсель Мунирович. — Тушто кажне ийын 150-200 гектар дене яра кийыше мландым уэш курал-ӱдена. Индешле процент нарыж дене пайдаланена. А кодшыжо чодырашкат савырнен шуын, манаш лиеш. Тудым куклаш да шотыш кондаш чот шергын шуэш. Сандене нуно лесничествылан пуаш веле утларак келшен толыт. А пытартыш жапыште топливылан ак кушмылан кӧра тудым угыч курал-ӱден, парымыш веле пурет. Пырчылан ак кызыт моткоч шулдо. Латныл ий пашам ыштыме жапыште тений икымше гана тудым шке акше дечат шулдын ужалаш логалын. Кеч лач кодшо ийын ме пырчым молгунамсе деч эн шуко – кажне гектар гыч кокла шот дегне18 центнер утла – шийынна. Пӱтынь эл мучко тудым 130 миллион утла тонным, молгунамсе деч ятырлан шукырак, поген налме дене пырче утыш лектын. Тынар мыланна огеш кӱл. Тиде амал денак тудлан ак волен.
Кумданрак — «Марий Эл» газетын
2018 ий 26 январьыште лекше номерыштыже лудын кертыда.
Любовь Камалетдинова.
М.Скобелевын фотожо.
