Корно пашаеҥ-влак рӱдолан Медицине уремжым, Комсомольский гыч Первомайский урем марте участкым тӧрлат: тошто шартышым кораҥдат да у асфальтым шарат. Медицине уремысе корнын кужытшо 1,3 километрыш шуйна. Каласыман, тиде уремыште шуко пачашан пӧрт-влакат, частный секторат, тунемме тӧнеж-влакат улыт, адакшым ты уремыште Республикысе йоча клинике больнице верланен. Тушко чыла районла гыч черле йочам эмлалташ кондат, сандене тӧр, вияш корно моткоч кӱлешан. Йошкар-Олан мэрийжын мутшо почеш, окса республикысе бюджет гыч ойыралтеш. Рӱдолашкына Санчурск, Оршанке да Шернур кугорныла велым кудал пурымо корнывожламат олмыкташ окса ситышаш.
Л.СЕМЕНОВА
