АКЦИЙ КОНКУРСЫ САМЫРЫК ТУКЫМ

Тале команде

30 мартыште Самырык-влак полатыште самырык туныктышо да нунын наставникыштлан республик кӱкшытан «Таза капыште ­– таза чон» VIII усталык фестиваль эртен. Тушко «Спорт. Тазалык. Кужу ӱмыр» ден «Профсоюз. Айдеме да паша» номинацийышке 18 команде ушнен. Таҥасымаш сынын фестивальыште икымше верыш Медведево районын командыже (снимкыште) лектын.

«Ме «Профсоюз. Айдеме да паша» номинацийыште шке моштымашнам ончыктенна. Фестивальлан шуко ямдылалтынна, тидыжак сай лектышыш шуаш полшен, очыни. Вес команде-влак деч семӱзгарна-влак дене ойыртемалтынна – баян ден балалайкына лийыныт. Мылам ты вашлиймаш келшен, шуко улан туныктен. Районын чапшым аралаш ӱшанымылан кугу таум каласем», – палдарыш Медведево посёлкысо 4-ше №-ан  «Висвис» йочасадыште тыршыше ӱдыр Анжелика Крылова.

О.МОШКИНА

Опубликовать в Одноклассники

Добавить комментарий