Башкортостанысе Калык-влакын келшымаш пӧртышт республикысе Калык-влакын ассамблейышт дене пырля «Такмакфест» онлайн-фестивальым увертареныт.
Тушко такмак-влакым йоҥгалтарыше коллектив ден посна участник-влак ушнен кертыныт. А тидлан кеч-могай йылме дене 5-7 минут шуйнышо видероликым колтыман улмаш. Рушлаш кусарыме вариантшым титр семынат колташ йон пуалтын. Чыла роликым Ютуб-каналыш вераҥденыт. Участник-влак коклаште марий-шамычат шукын улыт. Мутлан, Мишканысе Марий историй-тӱвыра рӱдерын «МуроЭм» вокальный ансамбльже гармонь почеш мурен. Сеҥыше-влак изиш варарак рашемыт.
С.НОСОВА
