Чеснок – чыла пакчасаскалан пакчасаска, чыла эмлан эм. Тудо ужармужын бактерийже, В тӱшкаш пурышо стрептококкын, хеликобактерын, кандидын, шӧртньӧ стафилококкын инфекцийышт деч сайын полша, тыгак тӱрлӧ ракым эмла. Тиде пакчасаска дене эсогыл Гиппократ пайдаланаш темлен.
Тидымак шотыш налын, кечыште свежа 5-6 чеснок пӱйым кочкаш кӱлеш. Тазалыклан пайдалырак лийже манын, ончыч чеснокым лаштыртыман. Тыгеже эрыкым шижше фермент-влак рак да поҥго ваштареш кучедал кертше ушалтмаш-шамычым 15 минут жапыште ыштат.
Национальный медицине книгагудын (США) данныйже почеш, чеснок, диабет да рак гыч тӱҥалын, ДНК ситыдымаш дене мучашлен,150 утла медико-санитарный чер деч полшен кертеш, сандене нунын деч аралалташ але эмлалташ кӱлмӧ годым тиде пакчасаскалан эҥерташ шотлан толеш.
М.ИВАНОВА
