УВЕР ЙОГЫН

Таза лийышт, элнам аралышт

Элна мучко шошо призыв тӱҥалын. Тудо 1 апрель гыч 15 июль марте шуйна. Тиде пагытыште республикыште 700 (18 гыч 27 ияш марте) наре еҥ салтак радамыш шогалшаш.

– Пандемий призыв пашашкат вашталтышым пуртен, – мане журналист-влак дене пресс-конференцийым эртарымыж годым республикын военный комиссарже Ю.Аксёнов. – Контракт почеш службым ойырышо-влак профотборым, поснак психологий велым келгырак тергымашым эртат. Вузын уста выпускникше-влак шке кумылын научный ротыш служитлаш возалтын кертыт. Спорт ротышкат чыла кумылан еҥ ок логал. Тушко элнан сборный командыштыже улшым гына ойырат.

Юрий Викторовичын ойлымыж почеш, кӱшыл заведенийым тунемын лекше-влакын специальностьыштымат шотыш налыт. ДОСААФ-ыште тунем лекшыланат тӱткыш кугурак лиеш.

Альтернативный службым эрташ кум еҥ ямдылалтеш. Кажне призывниклан службым эртыме вер марте каяш кочкыш-паёкым пуат, тыгак уэмдыме несессорым кучыктат.

Е.ЭШКИНИНА

Опубликовать в Одноклассники

Добавить комментарий