Звенигово районысо ЗАГС пӧлкан 2018 ийым иктешлымыж почеш, ӱмаште Провой кундемыште ончылийсе деч шагалрак йоча шочын, илыш гыч кайыше шукырак лийын, ойырлышо вате-марий-влакын чотышт кушкын, мужыраҥше-шамыч шагалемыныт.
Кодшо ийын 392 йоча (187 ӱдыр да 205 рвезе) шочын, 2017 ийыште – 447 (250 рвезе да 197 ӱдыр).
347 пӧръеҥ ден 291 ӱдырамаш илыш гыч каеныт. Интернатлаште 68 еҥ ӱмыржым шуктен, 2017 ийыште – 57. Ончылий илыш гыч 636 еҥ (342 пӧръеҥ да 294 ӱдырамаш) каен.
2017 ийыште 121 мужыр ойырлен, ӱмаште – 133.
Кодшо ийын 132 мужырым регистрироватлыме, ончылий – 170.
Ӱмаште 93 гражданин ача улмым пеҥгыдемдыме йодыш дене толын.
Пӧлкан пашаеҥже-шамыч лӱмым (граждан-влак тӱҥ шотышто ача лӱмым вашталтыме йодыш дене толыныт) вашталтыме шотышто 10 документым ямдыленыт.
Звенигово районысо ЗАГС пӧлка кодшо ийын 450 тӱжем теҥге кугыт кугыжаныш пошлиным поген.
Пашаеҥ-влак гражданский состояний акт-влакым кугыжаныш велым регистрироватлыме книгам электрон формыш кусарыме шотышто кугу сомылым шуктеныт – электрон базыш 115 000 актым пуртеныт.
М.ИВАНОВА.
