Марий сӱан йӱлам ончыктымо фестиваль-конкурсым Республикысе калык усталык да тӱвыра ден каныме шотышто шанче-методике рӱдер кумшо ий почела эртара. Тений «Сӱан пайрем» 11 июньышто Моркышто лиеш.
Молгунамсе семынак участник-влак сӱан йӱла гыч ужашым ончыктышаш улыт. Фестиваль жапыште «Эн сай кудывече» ден «Эн сай гармонист» конкурсышто сеҥыше-влакат палемдалтыт.
