УВЕР ЙОГЫН

Сырым ямдылымым видеошинча эскера

Шернур сыр завод республикыште шӧр гыч кочкышым ыштыше ик эн кугу предприятийыш ятыр ий ончычак савырнен. Коллектив ятыр тӱрлӧ сырым ямдыла. Нунын коклаште лӱмышт дене шукертсек чапланыше «Голландский», «Пошехонский», «Российский» веле огыл, тыгак калыкыште эше кумдан палыме лийын шуктыдымо «Марсенталь», жаритлымаште кучылталтше «Шернурысо Халумис» сыр-влак, моло сортат улыт. Предприятийыште Российлан ойыртемалтше кочкышым – заводын шке фермыштыже лӱштымӧ каза шӧр гыч ямдылыме продукцийым – ий еда шукырак луктыт.

Шергакан да пайдале тыгай кочкыш сатум лукмо паша кӱрылтыш деч посна кайыже манын, поснак чапле сырым ямдылыше цехыште сутка мучко эскерыше видеокамерым вераҥденыт. Подразделенийыште мо ышталтме видеорегистратореш войзалтеш, кумло сутка аралалтеш. Тыге сырым ямдылыме паша, оборудованийын кузе ыштымыже, пашазе-шамычын шкем кузе кучымышт, шолыштмаш лийын кертме тӱткын эскералтеш.

А.АНДРЕЕВ.

Снимкылаште: сырым ямдылыме цехыште; ямде продукций.

 

Опубликовать в Одноклассники

Добавить комментарий