Маристатын данныйже почеш, тений майыште республикыште кокла пашадар 27723,6 теҥге лийын. Тидыже кодшо ий тыгаяк жап деч 4 процентлан шагал. Тыгодымак тений январь-майыште ӱмашсе тыгаяк жап деч пашадар 5,2 процентлан шукырак лектын.
Марий Элыште финанс да страховой организацийлаште, тыгак транспортировко да аралымаш сферыште тыршыше-шамыч республикысе кокла пашадар деч 1,5 пачаш шукырак налыт. А унагудо услугым пуышо, тыгак общественный питаний, административный паша сферыште ыштыше-влак молгунамсе семынак эн нужна улыт.
М.ИВАНОВА