УВЕР ЙОГЫН

Спорт: Икшыве-влаклан —  ешартыш пайрем

Шуматкечын, 15 сентябрьыште, У Торъял районысо Элембай селасе школышто «Арбузник» йоча спорт пайрем эртен. 

Тушко Тулык икшыве-влаклан Лӱльпанысе рӱдер, Кужэҥер да У Торъял районла гыч  команде-влак чумыргеныт.

Пайремым торжественно почмо деч вара чумыргышо-влак мини-футбол дене модыныт. Жюрин иктешлымашым ыштымыж жапыште организатор-влак йоча-шамычлан футбол дене кылдалтше тӱрлӧ конкурсым эртареныт.

А команде-влак теве кузе модыныт:

1-ше вер – Лӱльпанысе рӱдер;

2-шо вер – У Торъял ден Немда школ-влакын иквереш чумырымо командышт;

3-шо вер – Тошто Торъял школ.

4-ше ден 5-ше верыш Кужэҥер районын да Пектубай школын командышт лектыныт.

Сеҥыше-влакым саламлымеке, йоча-шамыч пикникыш чумыргеныт.   Умбакыже нунылан Шӱкшан заставе мучко да верысе черкыште экскурсийым  эртареныт. Пайремын пытартыш ужашыже тунемше-шамычлан ик эн оҥай лийын: нуно патыр-влакын кучедалмашыштым онченыт.

Л.Камалетдинова.

Опубликовать в Одноклассники

Добавить комментарий