Шушаш 2018 ий гыч Медико-социальный экспертизе бюро граждан-шамычлан медико-социальный экспертизым эртарыме чыла кугыжаныш услугым йӱкан видеокамерыш войзаш тӱҥалеш.
Тидыже конфликтан ситуаций лекме деч ышталтеш, а вуйшиймаш пурымо годым чылажымат радамлын лончылаш йӧным ышта.
Чыла запись 90 кече аралалтеш, а ӱчашымашым лукшо ситуациян – кум ий марте.
Аудио-да видеозаписьым ыштыше аппаратур Йошкар-Оласе Я.Эшпай да Больничный уремлаште верланыше бюролаште у ий гыч пашам ышташ тӱҥалеш. Районласе бюролашке тудым шушаш ийын икымше пелыштыже шындат.
М.ИВАНОВА.
