Тидын нерген 8 апрельыште Эстонийысе Обиница олаште увертареныт.
2019 ийыште «Финн-угор тӱнян культур рӱдолаже» лӱмым налшаш верч Морко районысо Унчо села деч посна Пермь кундем гыч Архангельское села да Венгрийысе Зирц ола йодмашым пуэныт улмаш.
Марий Эл гыч мӱндыр эстон мландыш Унчо села нерген кумдан каласкалаш, тудын чапшым аралаш Моркорайон администрацийын тӱвыра, спорт да туризм пӧлка вуйлатышыже Дина Павлова, Я.Эшпай лӱмеш Марий кугыжаныш филармоний вуйлатыше Эрик Юзыкайн да МАФУН-ын ончычсо президентше Василий Петров миеныт.
— Ура! Тиде — кугу да тӱткышым йодшо паша. Йӧсырак ыле гынат, но сомыл пеш оҥай, — тыге возен шке соцсетьыштыже Эстоний мландыште улмыж годым Эрик Алексеевич.
«Финн-угор тӱнян культур рӱдолаже» лӱмым налме дене Унчо велне илыше-влакым веле огыл, уло марий калыкым саламлена.
А.Байкова.
Д.Речкинын фотожо.
