Кодшо ий мучаште «Рӱдӧ да Юл кундем Россеть Мариэнерго» филиалыште районласе электросеть (РЭС) диспетчер-влакын функцийыштым Сетьым виктарыше рӱдерлан (ЦУС-лан) пуымо.
Сетьым виктарыше да цифр йӧн дене ыштыше рӱдержым тылеч ик ий ончыч почмо. Оперативно-технологически виктарыме пашам да тудым шуктышо диспетчер-влакым РЭС-ла деч ЦУС-лан кодшо идалык мучко ужашын-ужашын пуымо. Тидыже «Россеть» ПАО-н электросеть комплексыштыже оперативный технологий да ситуаций велым виктарыме системым вияҥдыме концепций» дене келшышын шукталтын.
Ӱмашсе икымше кварталыште тыгай пашам цифр йӧн дене ыштыше Семёновко РЭС-ыште шуктымо, а кокымшо ден кумшо кварталыште эше куд РЭС-ыште (Советский, У Торъял, Оршанке, Курыкмарий, Килемар да Юрино районлаште) оперативно-технологически виктарыме сомылым ЦУС-лан кучыктымо. Идалык мучашлан ты проект чыла лу РЭС-ым авалтен. Нуно республикысе 14 муниципал образованийым обслуживатлат.
Тыге диспетчер пашам оптимизироватлыме деч вара объектлаште технологий экшыкым рашемдыме да кораҥдыме сомылым палынак писемдыме. РЭС-лаште диспетчер пунктым кучаш роскотым, сетьлаште энергий йоммашым иземдыме, аварий лиймашым шагалемдыме.
Диспетчер-влак 10 киловольтан 374 да 0,4 киловольтан 6253 электролинийым, 10/0,4 киловольтан 3071 да 110-35 киловольтан 86 подстанцийым виктарен шогат. «Рӱдӧ да Юл кундем Россеть» генеральный директор алмаштышын да «Мариэнерго» филиал директорын сомылжым шуктышо Сергей Хлусовын ойлымыж почеш, филиалысе чыла лу РЭС-ын операционный сомылжым цифр йӧн дене ыштыше ЦУС-ыш налмаш сеть объектлам виктарыме пашам палынак саемда.
Ю.ИСАКОВ
