УВЕР ЙОГЫН

Семинар: Чылажат – тазалык верч

13 мартыште Марий Элын Тазалыкым аралыме, Самырык-влакын политикышт, спорт да туризм министерствыже-влакын полшымышт дене Йошкар-Оласе медицине колледжыште республик кӱкшытан Таза илыш-йӱлам ыштыме шотышто педагогический семинар нылымше гана эртен. 

Пайдале мероприятийым колледжын директоржо Л.Рыжков почын. Тунемме тӧнежын агитбригадыже «Таза илыш-йӱлам пу!» теме дене оҥай выступленийым ыштен. Студент-волонтёр-влак физкультур уроклаште, спорт секцийлаште сусыргымо деч пайдале ой-каҥашым пуэныт. Тыгак «Тарванылмаш – илыш» мастер-классыште физкультминуткым, физкультпаузым, упражнений комплексым ышташ туныктеныт.

Семинарыште Самырык-влакын политикышт, спорт да туризм министерстве гыч  молодёжный политике пӧлкан специалистше М.Шахова лийын. Тудо таза илыш-йӱлам чапландарыше, калык коклашке шыҥдарыше мероприятийым кӱкшын аклен да умбакыжат шуяш темлен.

М.ИВАНОВА.

Опубликовать в Одноклассники

Добавить комментарий