1 декабрьыште регионысо тунемше-влаклан Марий Элын «Самырык-влакын полатышт» кугыжаныш бюджет тӧнежын базыштыже СПИД дене кучедалме тӱнямбал кечылан пӧлеклалтше республик кӱкшытан мероприятий эртен.
Тиде мероприятийын тӱҥ цельже тунемше ден туныктышо-влакым ВИЧ-инфекцийын первичный профилактикыже да ВИЧ/СПИД-ын проблемыж дене кумданрак палдарыме дене кылдалтын.
Акцийым Марий Эл Республикын Образований да науко министерствыже, Марий Элын «Самырык-влакын полатышт» кугыжаныш бюджет тӧнежше, тыгак волонтёр ден СПИД-рӱдерын да моло организацийын специалистше-влак организоватленыт.
Мероприятийыш 250 наре еҥ ушнен. Нуно Самырык-влакын полатыштышт тӱрлӧ теман шым площадкыште пашам ыштеныт, ВИЧ/СПИД проблеме дене социальный театрыште участвоватленыт.
М.ИВАНОВА.
