11 апрельыште Волжск оласе посна предметым келгынрак туныктышо 5-ше №-ан кыдалаш школышто самырык-влаклан «Волжскын ончыкылык корныжо – самырык-влакын ончалтышыже гоч» ярмиҥга лиеш.
Олан илышыж верч тургыжланыше ӱдыр-рвезе-влакым ты мероприятийыш уло кумылын вучат. Тидым ышташ «https://clck.ru/Ttfti» ссылке почеш йодмашым колтыман (тудым «Молодёжь Марий Эл» ВКонтактесе тӱшкаште муман). Вашлиймашыште илышыш шыҥдаралтше проект-влак дене палдараш, тӱрлӧ организаций-шамычын пашаштым ончыкташ тӱҥалыт.
О.МОШКИНА
