ЙӰЛА

Саламленыт, куандареныт

31 майыште, У Торъял районысо «Первый май» колхозышто республикыште эн ончыч Пеледыш пайрем эртаралтын.

Ты ганат идалык жапыште кугу кӱкшытыш шушо, сай лектышым ончыктышо доярке, животновод, тӱрлӧ специалист-влакым, шошым пасу пашаште ойыртемалтше механизатор-шамычым саламленыт. Озанлыкын курго шотышто зоотехникше Ольга Иванова Марий Элын ялозанлыкшын сулло пашаеҥже чап лӱмым сулен. Наградым республикын ялозанлык да продовольствий министрын алмаштышыже А.Кондратенко кучыктен.

Кодшо ийласе семынак теният кажне бригадысе доярке ден животновод-шамыч ӱстел сий конкурсышко ушненыт. Кумылан-шамыч тӱрлӧ таҥасымаште вийыштым терген кертыныт.

Озанлык пашаеҥ-шамычын кумылыштым М.Шкетан лӱмеш Марий кугыжаныш драме театрын икмыняр артистше нӧлталаш полшеныт.

Л.КАМАЛЕТДИНОВА

Опубликовать в Одноклассники

Добавить комментарий