УВЕР ЙОГЫН

Саламлена: Пашаштым награде дене палемденыт

Тений 16 ноябрьыште «Йошкар-Ола – Козьмодемьянск» кугорнышто лийше шучко аварийыш Визымйӓр да Килемар посёлкыла гыч эн ончыч толын шушо вашкеполыш бригаде-влак шке пашаштым грамотно да кӱлын огыт шукто гын, илыш гыч кайыше-влак шукынрак лийыт ыле. Лачшымак нине службо корно азапыште нелын сусыргышо-влаклан икымше полышым пуэныт. 

Килемар районысо рӱдӧ эмлымверын вашкеполыш отделенийжын фельдшерже Е.Наймушинам да Визымйӓр врач амбулаторийын вашкеполыш отделенийжын фельдшерже В.Петуховам кӱкшӧ профессионализмым ончыктымыштлан Тазалыкым аралыме министерствын Чапграмотыж дене палемдыме.

Килемар районысо рӱдӧ эмлымверын вашкеполыш отделенийжын водительже В.Васенинлан, эмлымверын водительже А.Шушляковлан, Визымйӓр врач отделенийын вашкеполыш отделенийжын водительже Ю.Вилюковлан тазалыкым аралыме министр М.Панькован Таумутшым кучыктымо.

М.ИВАНОВА.

Опубликовать в Одноклассники

Добавить комментарий