УВЕР ЙОГЫН

Сай шонымашлан – полыш

«Лукойл» нефть компаний социальный да культурный проект-влак конкурслан стартым увертарен. Тудо Чуваш, Мордва, Марий Эл республикласе да Вологодский, Владимирский, Ярославский оластьласе  коммерческий огыл секторын проектше-влаклан грант полышым пуа.

Конкурсын тӱҥ цельже кундемысе кӱлешан йодышым решатлыше проект ден тӱҥалтышлан полшымо, шке регионышто сай социальный шонымашым шыҥдарен кертше чолга граждан ден организаций-влакын чотыштым шукемдаш йӧным ыштыме, тыгак поро кумылым вияҥдыме дене кылдалтын.

Социальный да культурный проект конкурсым эртарыме ийлаште спортым, йоча усталыкым, тӱвырам, таза илыш-йӱлам, экологий ответственность аланыште шинчымашым вияҥдымашке виктаралтше шуко шонымашым илышыш пуртымо.

Конкурсышто «Экологий», «Духовность ден культур» да «Спорт» номинацийла дене йодмаш-влак ончалтыт. Тылеч посна ий еда ешартыш номинаций пеҥгыдемдалтеш. 2019 ийыште икымше верыш «Духовность ден культур» номинацийым лукмо. Тидыже, мутат уке, Российыште 2019 ийым «Театрын идалыкше» семын увертарыме дене кылдалтын.

Конкурсышто коммерческий огыл, кугыжаныш, муниципальный бюджет организаций ден верысе кучем орган-влак участвоватлен кертыт.

Йодмашым 30 сентябрь марте тыгай адрес дене колтыман: 607650, Россий Федераций, Нижегородский область, Кстовский район, Кстово ола, Центральный шоссе  (Промышленный район), 9-ше пӧрт.

Конкурсын условийжым «ЛУКОЙЛ» ПАО-н www.lukoil.ru  

официальный сайтше, тыгак «ЛУКОЙЛ-Нижегороднефтеоргсинтез» ООО-н  Мер кыл рӱдержын (83145) 5-50-58 номеран телефонжо але prnnos@lukoil.com электрон почто полшымо дене рашемдаш лиеш.

М.ИВАНОВА

Опубликовать в Одноклассники

Добавить комментарий