УВЕР ЙОГЫН

Сай деч сайжым ойыреныт

Марий Эл Республикысе кугыжаныш пожарный службо управленийын Пембе посёлкысо базыштыже пожарный автомобильын эн сай водительжым да  эн сай пожарныйжым ойыреныт.

Конкурс водитель ден пожарный-влакын мастарлыкыштым тергаш да нӧлталаш манын эртаралтын. Икмыняр этапыште нунылан тӱрло задачым шукташышт логалын.  Водитель-влак корно правилым палымыштым, машинам виктарен, тӱрлӧ агрегатым кучылт моштымыштым ончыктеныт. Пожарный-влак боевой вургемым, снаряженийым  чиеныт, утарыше оҥгым пидыныт да утарыме еҥлан тудым кылденыт, штурмоватлыме тошкалтыш дене кӱзеныт, капым нӧлтыштыныт. Нунылан иквереш шуктымо конкурсат эртаралтын. 

Тыге «пожарный  автомобильын эн сай водительже» Марий Турек Хлебниково села гыч С.В.Ббарсуков да «эн сай пожарный» семын Звенигово район  Красногорский посёлко гыч И.А.Михайлов палемдалыныт. Кокымшо ден кумшо верым налше-шамычланат  диплом ден пӧлекым кучыктеныт.

С.Носова.

Опубликовать в Одноклассники

Добавить комментарий