Пеш кугу пайрем – Сеҥымаш Кечылан – ямдылалтме годым кугу тӱткыш шарныктышан вер-влаклан да тыгак торжественный мероприятийым эртарыме кумдык-влаклан ойыралтеш. Рӱдолаште тыгай верлам Марий Эл Республикым вуйлатыше Александр Евстифеев ончен лектын. Тудо М.Шкетан лӱмеш Марий национальный драме театр ончылно олмыктымо гранит гыч ыштыме тошкалтышым, В.И.Ленинлан памятник воктене алмаштыме плитан тротуарым ончен лектын. Тыгак тудын кӱштымыж почеш «Советский» унагудын фасадшым олмыкташ тӱҥалыныт. Марий Элым вуйлатыше республикысе пашаче коллектив-влакын пашаштым сай могырым палемден да торжественный мероприятийыш ушнышо ветеранг-влаклдан йєнан условийым ышташ ӱжын. А Йошкар-Олан мэрже Евгений Маслов май пайрем-влаклан ямдылылтмым республикын рӱдолажын сынжым сылнештарымын тӱҥалтыш йыжыҥже веле улмыжым палемден. Ончыкыжым икмыняр вере олам тӱзатыме паша шукталтшаш. Мутлан, Ната Бабушкина сквер, Сеҥымаш парк, Чавайн бульвар да молат.
