«Здравоохранений» национальный проектын «Первичный медико-санитарный полышым пуымо системым вияҥдымаш» регионысо проектшым илышыш пуртымо кышкарыште 2020 ийыште Марий Элыште санавиацийын вертолётшо южышко 35 гана нӧлталтын да Курыкмарий, Юрино, Волжский, Шернур, Морко районла гыч 37 черлым рӱдоласе эмлымверлашке конден. Тиде услугылан «Руш вертолёт системе» АО-лан 15 млн. теҥгем тӱлымӧ.
Вертолёт Чебоксарыште верлана. Тудын дене марий ден чуваш медик-шамыч пайдаланат.
Пациент-шамычым тӱҥ шотышто Йошкар-Оласе больницын регионысо вӱргорно рӱдерышкыже, Республиканский клинический эмлымверыш, Республиканский онкологический диспансерыш да Перинатальный рӱдерыш кондымо.
2021 ийыште санавиацийын вертолётшо дене 39 гана пайдаланаш палемдыме.
М.ИВАНОВА
