Российын Образований да науко министерствыже Президент Владимир Путинын школлаште руш да национальный йылме-влакым туныктымо нерген кӱштымашыжым контрольыш налын.
2017 ий 20 июльышто Наций-влак кокласе советын заседанийыштыже В.Путин РФ субъект-влакын кугыжаныш кучемыштын кӱшыл исполнительный органлаштым вуйлатыше-влаклан школлаште руш йылмым туныктымо качестве да тидым Россий Минобрнаукын темлыме кугытшо марте шуктымо шотышто мерым приниматлаш кӱштен. Тылеч посна тудо граждан-влакын республиклаште кугыжаныш да шочмо йылмым шке кумылын тунемме праваштым шуктымо шотыштат кӱштымашым луктын.
Рособрнадзор ден Генеральный прокуратур Президентын тиде кӱштымашыже шукталтмым чыла регионышто тергат.
Россий Минобрнаукын пеҥгыдемдыме стандартше-влак дене келшышын, школлаште руш йылмым, тыгак республикын кугыжаныш йылмыжым туныктымо, занятий чот шотышто планым ыштат.
Регионласе кугыжаныш йылмым туныктымо да тунемме Российын кугыжаныш йылмыжым туныктымо да тунеммылан чаракым ыштышаш огыл.
М.ИВАНОВА.
